អុញនោះ! ប្រិយមិត្តអ្នកគាំទ្រស្នើ​ឲ្យ​ G-Devith ​ទម្លាក់​ Diss Track ស្រាប់តែលោកតបវិញយ៉ាងច្បាស់ៗថា

1 month ago 16

ភ្នំពេញ ៖ ប្រិយមិត្តជាច្រើនជ្រាបដឹងហើយថា មួយរយៈ​ចុងក្រោយ​នេះ តារាចម្រៀង​រ៉េ​ប​មួយ​ចំនួន កំពុងតែ​ទម្លាក់​Diss Track​តតាំង​គ្នា​ទៅវិញទៅមក ជាហេតុ​ធ្វើ​ឲ្យ​អ្នកគាំទ្រ​របស់​តារា​ចម្រៀង​G-Devith មួយ​ចំនួន បាន​ស្នើ​ឲ្យ​អាយ​ដល​របស់​ពួកគេ ទម្លាក់​Diss Track​ដែរ​។​ដោយឡែក ជាការ​ឆ្លើយតប​ជុំវិញ​ការស្នើសុំ​ទាំងនេះ នៅ​រសៀល​ថ្ងៃទី​២៣ ខែមករា ឆ្នាំ​២០២១​នេះ បាន​ឡាយ​វីដេអូ​បញ្ជាក់​ជំហរ​របស់ខ្លួន​ថា លោក​មិន​ទម្លាក់​Diss Track​ទៀតឡើយ ដោយសារតែ​លោក​ចាស់​ហើយ សមត្ថភាព​ខួរក្បាល​ធ្លាក់ចុះ មិន​ដូច​មុន​នោះទេ​។​ក្នុងនោះដែរ លោក​បញ្ជាក់ទៀតថា រហូតមកដល់​ពេលនេះ លោក​មាន​វ័យ​ជិត​៣០​ឆ្នាំ​ហើយ

ហើយ​តាំងពី​សឹក​មក លេង​មិនដែល​មានគំនិត​ក្នុង​ការ​ទម្លាក់​Diss Track​នេះ​ទៀត​ឡើយ ម្យ៉ាងទៀត​ឆ្លងកាត់​បទពិសោធន៍​Diss Track​កន្លងមក​ឃើញថា មិនមាន​ផល​ចំណេញ​នោះ​ទេ មានតែ​ធ្វើ​ឲ្យ​អ្នកគាំទ្រ​ខាង​នេះ ទៅ​ជេរ​ខាង​នោះ ហើយ​ខាង​នោះ​មក​ជេរ​ខាង​នេះ​វិញ​ទេ។តារាចម្រៀង​ឯករាជ្យ​រូបនេះ បានបញ្ជាក់​ប្រាប់​អ្នកគាំទ្រ​ទៀតថា មិនបាច់​រង់ចាំ​ការ​Diss Track​ពី​លោក​ទៀត​នោះទេ លោក​សុំ​តែ​សុខ​សប្បាយ​ប៉ុណ្ណោះ ឲ្យ​តែ​មាន​ឡាន​ជិះ​មាន​លុយ​ចាយ​ទៅ មាន​មុខរបរ​រកស៊ី​សមរម្យ​ទៅ

ដោយសារ​ឆ្នាំក្រោយ​លោក​ត្រូវ​បង្កើត​គ្រួសារ​ហើយ​។ ប៉ុន្តែ​ចំពោះ​បទ​ចម្រៀង​ផ្សេងទៀត នៅមាន​ចេញ​ធម្មតា​។យ៉ាងណាមិញ គួរ​បញ្ជាក់ថា កាលពី​ថ្ងៃទី​១៣ ខែមករា ឆ្នាំ​២០២១​កន្លងទៅនេះ តារាចម្រៀង​រ៉េ​ប ប្រុស ឡា បាន​ចេញ​បទ​ចម្រៀង​មួយ​បទ​ជា​ប្រភេទ​Official Lyrics Video​មាន​ចំណងជើង​ថា «Take Care» ធ្វើការ​បកអាក្រាត​មនុស្ស​ម្នាក់ ដែល​ធ្លាប់​ជិតដិត​នឹង​គ្នា។

ក្រោយ​ពេលចេញ​បាន​ត្រឹម​១​ថ្ងៃ​ប៉ុណ្ណោះ ពោល​នៅ​ថ្ងៃទី​១៤ ខែមករា ឆ្នាំ​២០២១ តារាចម្រៀង​រ៉េ​ប Mc Bull​បាន​ទម្លាក់​Diss Track ក្នុង​បទ​ចម្រៀង «​ប៉ះ​សេ BASE» តតាំង​ទៅវិញ​គ្មាន​សំចៃ​ដៃ​ជាមួយ​នឹង​ការ​ហៅ​ឈ្មោះ​ប្រុស ឡា ចំៗ ហើយ​កន្លែង​ខ្លះ មាន​រ៉េ​ប​ជា​ភាសាបាលី​ទៀតផង ស្ដាប់​មើលទៅ​ពិតជា​មិនធម្មតា​នោះទេ។ក្រោយ​មក​ទៀត ប្រុស ឡា បាន​ទម្លាក់​ចម្រៀង​មួយ​បទ​ទៀត​មាន​ចំណងជើង​ថា «​អ៊ឹម​ស៊ី​អាចម៍​» ដោយ​ធ្វើការ​បកអាក្រាត​យ៉ាង​សាហាវ​ទៅលើ​MC Bull ហើយ​Mc Bull មិន​ទាន់​មាន​ការ​ទម្លាក់​បទ​ចម្រៀង​តបត​វិញ​នោះ​ទេ ប៉ុន្តែ​មានការ​ឡាយ​វីដេអូ​បកស្រាយ​ជុំវិញ​រឿង​នេះ៕ សូមទស្សនាវីដេអូខាងក្រោមនេះ។

The post អុញនោះ! ប្រិយមិត្តអ្នកគាំទ្រស្នើ​ឲ្យ​ G-Devith ​ទម្លាក់​ Diss Track ស្រាប់តែលោកតបវិញយ៉ាងច្បាស់ៗថា first appeared on https://thaidailys.com.

Read Entire Article